早前社工界遊行我沒有去 因為遊行有四個大目的，行頭的係"要求同工同酬" 咩係同工同酬呢? 就係要求我地0係政府資助機構(即係整個機構的支出絕大部份都係政府資助，少部份來自機構籌款、服務收入及教會等等)的社工人工可以同社署入面的社工一樣，跟返政府薪酬調整，加返4.62% 因為，自2001年起，香港政府向福利機構撥款時開始實行「一筆過撥款」制度，取代以往由福利機構「實報實銷」的資助模式。由於機構撥款封頂，往往要從員工薪酬、甚至裁員入手精簡開支，形成較高薪的資深員工流失。社會工作者總工會指出，有二萬七千名員工在「一筆過撥款」前入職，現時仍在職的只餘下一萬五千人。 此外，不少機構為了減省成本，往往利用社署忽視監管機構人力質素的漏洞，聘請文憑畢業生代替大學生，以藉此壓低員工薪酬。 可是同工...如何量度?同酬又如何? 哩d0野，我一直唔係好埋身感受，因為我畢業於2003年 一出黎已經係低人工，學位做文憑的位置，但我只是想做服務，感覺問題唔大..而且文憑學位都係大學畢業，我一向唔覺得學位做0野係叻d...正如讀左碩士都唔等於佢做0野好過一個學位生 但我身邊同事，一早入行，經歷變化的就好大反應，對一筆過撥款好痛恨 最初我不明所以，但而家做左幾年，終於深深明白及體會到一筆過撥款、資源增值及以投標方式去取得福利服務營辦權等壞處 以前讀書，我聽極都唔明咩係'資源增值"，個名明明好好聽，點解機構d同事咁唔中意? 我無刻意深究，而家終於明白，原來只係政府一次過撥款，錢就係得咁多，不過你要維持現有服務之餘，仲好多時要開拓下d新服務....哈哈哈...唔怪得我唔明! 原來增值0個個係政府 由於資金不足，高人工的有經驗的舊同事0係政策轉變時以不同形式離開福利界，表面睇問題唔大，因為商業社會一向都係咁，太高人工係要提高資本，係唔可以 但我想講，福利服務、教育、醫療及康體，都唔可以用哩個角度去睇! 0係福利服務當中，經驗係好重要，而且，人手係要求要穩定。社工需要經驗及與求助人維持良好及互信關係去處理問題，如果經常換人，求助人會好無奈，同時間與社工的工作關係很難維持..後退一步，好多有問題的家庭的問題都解決得不好，社會自然有更多的問題積存 而家政府加社署人工，ASWO(助理社會工作主任)加到有成$22xxx，而NGOs(即係非政府機構)就一早因為一筆過撥款脫晒鈎，助理社會工作主任可能已經改左2個post叫社工一、社工二，人工可能係$14xxx....最大差距可能接近6千蚊 可是我需要強調，重點唔係人工多與少! (坦白講，我覺得我地比任何人都好! 好多家庭幾千蚊一個月仍需要擔起一個家) 好似我老細好嚴正聲名一句，係"不患寡只患不均"! 政府加社署咁多人工，變相係同NGO搶人手，同埋加強左業界的分化。不要得之舉也! 政府對於福利機構真係好不負責任! 我同d同事傾，話大家一齊減人工唔係問題，問題係而家政府根本不見對社會有承擔! 一筆過俾舊$你，你自己攪掂佢.....總之我要你照做~~於是，人少做事多，機構為生存，就低價投標，用$5做$10事!試問咁樣，社福界點頂?一對手做幾倍事，又可以幫到幾多有需要的人?而問題係，一筆過如果係無辦法之下的節流方法，咁點解又用幾十億去加人工? 我剛畢業時問過，有骨氣就唔好接受一筆過，唔好投標..集體抗議~ 但我而家先知，原來行內有d大機構，真係超級"大鵪鶉"，佢地自己有好多捐款，所以唔怕一筆過撥款，又自行一早改架構以低價請人，所以政府一話行"一筆過"佢地都無反對，行內唔團結，想唔死都難。而d中小型機構想發展，明知投標係做壞市，都要投..因為唔投..連服務都無得做 咩世界? 幾年前攪個音樂會洗2億、得閒又還富於民、而家又唔知邊度黎d$加社署人工成幾個point，轉個頭就想cut醫療、教育同社福，攪錯呀???????? 到底d $ 政府想點用架???????... 9月5日罷工，今次口號終於清晰，我支持! 請檢討一筆過撥款! 當日有成5000人，雖然，有人只係為同工同酬而來，不過我相信有很多有心同工是為整個福利制度而來! 期望我們的訴求，政府聽得到! 參考文章 1983年，社工總工會為了「福利職級檢討」曾發動千人罷工，並成?#92;爭取
>「同工同酬」。廿多年後，我們仍要為「同工同酬」而抗爭，真是感慨！
>
>
>
>自實施「整筆撥款」津助制度，業界出現「專業斷層」、「服務人手編制
>破壞」、「高學歷低職位」、「工作量日益加重」、「工傷日趨增加」、
>「合約制聘用嚴重?削新入職同工」及「薪酬海鮮價」等，令員工的壓力大
>增，服務質素受到影響，服務使用者的福祉亦得不到應有的保障。為保持
>服務的質素，檢討「整筆撥款」制度是急不容緩的。
>
>
>
>政府自2000年起以「資源增值」、「效能節約」等不同名目，共扣減了NGO
>常年津助額的9.3%，共約六億元；我們當時是抱著共渡時艱的精神，在沒
>有縮減任何服務下，不惜加重同工負擔甚至減薪節員，承擔重要的責任。
>今天經濟復甦，政府理應恢復有關承諾的撥款基準，舒緩機構的財政壓
>力，令機構有能力履行其僱主責任，為同工提供合理的工作環境及報酬。
>
>
>
>事實上，前任署長林鄭月娥於2003年6月13日的「整筆撥款督導委員會」上
>曾承諾，這筆扣減款項不會影響日後的「撥款基準」；明顯是承認「撥款
>基準」是政府與NGO實行「整筆撥款」制度時的契約條款。
>
>
>
>社福界624三千人的遊行、721五百人與社署署長對話及5,000人聯署聲明的
>連串行動，都是向新任局長和署長表達員工的訴求，可惜都得不到他倆積
>極的回應；工會認為是時候要加重對政府的壓力，在特首施政報告和財政
>預算前提出員工訴求，所以決定進行「工業行動」，於9月5日（星期三）
>下午實行集體請假，無論你是社工或非社工，「定影員工」還是「合約制
>員工」，PA還是YA，都請你預留當日下午，一同齊集向政府發聲。我們要
>說一聲：「政府，這工業行動是你逼出來的！」
>
>
>
>「集體請假」行動一定會為市民帶來不便，但我們強調一切行動會以不影
>響緊急服務為大前提，稍後將會有行動指引發放。而我們亦與社聯成立
>「溝通小組」處理一切行動引申的細節，請大?a留意。
>
>
>
>我們認為萬事成功在於團結，如果整個業界無分彼此的發出共同聲音，我
>們邁向成功;便會踏前一步。 來吧！同工們！為服務的理想，為我們的專
>業，在9月5日走在一起！
>
>
>
>
>
>社工總工會 張國柱
>
>14.8.2007 凌晨
| 